Monday, 15 June 2026

സൊണാറ്റ പുതിയ വെഡിംഗ് വാച്ചുകളുടെ ശേഖരം അവതരിപ്പിച്ചു

 



 


കൊച്ചി: ഇന്ത്യയിലെ ഏറ്റവും കൂടുതല്‍ വിറ്റഴിക്കപ്പെടുന്ന വാച്ച് ബ്രാന്‍ഡായ സൊണാറ്റ പുതിയ വെഡിംഗ് വാച്ചുകളുടെ ശേഖരം അവതരിപ്പിച്ചു. കോര്‍ഡിനേറ്റഡ് പെയര്‍ വാച്ചുകളും ഉത്സവഛായയുള്ള ഡിസൈന്‍ ശൈലികളും ഒന്നിച്ചു ചേര്‍ന്നതാണ് പുതിയ വെഡിംഗ് കളക്ഷന്‍ വാച്ചുകള്‍. സ്വര്‍ണ്ണ നിറത്തിലുള്ള മനോഹരമായ ഡിസൈനുകള്‍, മള്‍ട്ടിഫംഗ്ഷന്‍ ഡയലുകള്‍, മികച്ച മെറ്റാലിക് സ്ട്രാപ്പുകള്‍, വൈവിധ്യമാര്‍ന്ന ഫെസ്റ്റീവ് ലുക്ക് എന്നിവ ഈ വാച്ച് ശേഖരത്തിന്‍റെ സവിശേഷതകളാണ്. 


 


മികച്ച സ്റ്റൈലിംഗും വൈവിധ്യവും കോര്‍ത്തിണക്കി രൂപകല്‍പ്പന ചെയ്തിരിക്കുന്ന ഈ വാച്ചുകളില്‍ മള്‍ട്ടിഫംഗ്ഷന്‍ ഡയലുകള്‍, ടെക്സ്ചേര്‍ഡ് മെറ്റാലിക് ബ്രേസ്ലെറ്റുകള്‍, ആകര്‍ഷകമായ റൗണ്ട് കേസുകള്‍, സമകാലിക ഡയല്‍ ഡിറ്റെയ്ലിംഗുകള്‍ എന്നിവ ഉള്‍ക്കൊള്ളിച്ചിരിക്കുന്നു. പുരുഷന്മാരുടെ കളക്ഷനില്‍ മള്‍ട്ടിഫംഗ്ഷന്‍ ഗ്രീന്‍, ബ്ലൂ ഡയലുകള്‍, ഗോള്‍ഡ് ഫിനിഷുകള്‍, ആകര്‍ഷകമായ മെറ്റാലിക് നിര്‍മ്മിതികള്‍ എന്നിവയോടെ ബോള്‍ഡ് ഫെസ്റ്റീവ് സ്റ്റൈലിംഗിന് പ്രാധാന്യം നല്‍കുമ്പോള്‍, സ്ത്രീകളുടെ ശേഖരം ലളിതമായ വൈറ്റ്, ഷാംപെയ്ന്‍ ഡയലുകള്‍, സ്ലിം ബ്രേസ്ലെറ്റുകള്‍, ആഭരണങ്ങളെ അനുസ്മരിപ്പിക്കുന്ന ഡിസൈനുകള്‍ എന്നിവയിലൂടെ മൃദുവായ ചാരുതയാണ് നല്‍കുന്നത്.


No comments:

Post a Comment

ലക്ഷദ്വീപിലെ വാര്‍ഷിക ചൂര ഉല്‍പാദനം 50,000 ടണ്ണായി ഉയര്‍ത്തും

ദ്വീപ് ഫിഷറീസ് വികസനത്തിന് മാസ്റ്റര്‍ പ്ലാന്‍ തയ്യാറായി കൊച്ചി: ലക്ഷദ്വീപിലെ വാര്‍ഷിക ചൂര (ട്യൂണ) ഉല്‍പാദനം അടുത്ത അഞ്ചു വര്‍ഷത്തിനുള്ളില്‍ ...